Camiña, pedalea . . . EXPLORA
Nun momento en que abondan as rutas de sendeirismo, Gabinete Cartotec aposta por unha visión integral destes proxectos que converten os nosos sendeiros en experiencias únicas e diferenciadas pola súa riqueza e calidade.
O noso coñecemento da contorna e experiencia en proxectos de creación de sendeiros homologados convértennos nos socios perfectos para desenvolver rutas atractivas que tiren proveito e poñan en valor os elementos naturais, humanos, históricos, arqueolóxicos ou culturais da contorna.
A sinerxia entre turismo e cultura fortalece o atractivo dun lugar, creando un destino caracterizado pola tranquilidade e a conexión coa natureza onde os visitantes poidan gozar dunha fermosa experiencia.
No mesmo sentido, no propio proceso de elaboración da ruta procuramos a participación coas comunidades. Deste xeito queremos facer algo que a xente asuma como propio e que actúen como auténticos custodios do territorio e dos seus camiñantes ao tempo que participan e contribúen á creación da ruta.
Porque unha ruta é moito máis que un deseño
Procuramos que o visitante goce dunha experiencia integral, en contacto coa paisaxe da contorna. Ao tempo, que trasladamos tamén a riqueza e complexidade do medio rural, tratando as relacións entre o ser humano e a natureza, e os procesos produtivos que se desenvolven neste territorio.
Os proxectos de sendeiros que ofrecemos son homologados polas Federacións de Montañismo, sendo sinónimo de calidade. Adecúanse a unha normativa que garanten, entre outros, unha boa sinalización, seguranza e ofrecen recomendacións, datos técnicos e información sobre puntos de interese.
PR-G 259 Ruta dos Montes do Bocelo – Teito da Coruña
Mantemento de rutas e sendeiros
Tan importante como a creación dunha ruta sinalizada ou sendeiro homologado é o seu mantemento. A súa creación implica un gran esforzo económico, polo que é imprescindible que o promotor asigne unha partida para o seu mantemento, en caso contrario todo o esforzo quedará no esquecemento en pouco tempo.
Cómpre lembrar que un sendeiro homologado en mal estado é motivo da perda da matrícula e da súa homologación, ademais de que é un risco para a seguridade dos sendeiristas.
Un sendeiro en mal estado de conservación provoca nos turistas unha mala imaxe que é difícil de cambiar, perdendo todos os esforzos realizados na promoción turística e a confianza do visitante. É sabido que o sendeirista ou cicloturista busca aquelas rutas sinalizadas pola súa seguridade; sentirse seguro e a salvo é o que máis se valora á hora de escoller un destino ou outro, polo que é necesario que se realice un mantemento axeitado.
Para evitar iso, en GABINETE CARTOTEC ofrecemos un servizo de mantemento que busca ofrecer unha solución sinxela e o máis económica posible para o mantemento e recuperación de rutas, tanto as non homologadas como aquelas homologadas pola Federación Galega de Montañismo ou pola delegación en España de IMBA (International Mountain Bicycling Association).
– Revisión anual ou bianual da ruta
– Informe de revisión
– Reposición de sinais e marcas de pintura
– Limpeza de lixo e roza
– Actualización da sinalización
– Actualización de documentación
– Informe final dos traballos realizados
